மனதில் உறுதி வேண்டும்....

மனதில் உறுதி வேண்டும்
வாக்கினிலே இனிமை வேண்டும்
நினைவு நல்லது வேண்டும்
நெருங்கின பொருள் கை பட வேண்டும்

கனவு மெய்ப்பட வேண்டும்
கை வசமாவது விரைவில் வேண்டும்
தனமும் இன்பமும் வேண்டும்
தரணியிலே பெருமை வேண்டும்

கண் திறந்திட வேண்டும்

காரியத்தில் உறுதி வேண்டும்
பெண் விடுதலை வேண்டும்
பெரிய கடவுள் காக்க வேண்டும்

மண் பயனுற வேண்டும்

வானகமிங்கு தென்பட வேண்டும்

உண்மை நின்றிட வேண்டும்

 - பாரதி 

அம்மா

அம்மா உனக்கு அகவை ஐம்பதா?
அது ஆண்டுகள் எழுதும் கணக்காய் இருக்கட்டும்
பசிக்கும் போது பாலூட்டி,
பரிதவிக்கும் போது அறிவூட்டி
என்னை வளர்த்து ஆளாக்கிய அன்னையே !
கொஞ்சம் பொறு வரம் பெற்று வருகிறேன்
நான் வாழ்ந்து மடிந்த பின்பும் நீ வாழ்ந்தாக வேண்டுமென்று!
- நன்றி ஞான பாலன் -
இக்கவிதை கவிஞர் ஞானபாலன் எழுதியது,
இவ்வையகத்தின் உன்னதமான சொல் அம்மாதான் .................
"அம்மா" என்ற சொல்லுக்குத்தான் எத்தனை மகிமைகள்
கடவுள் இல்லையென்று யார் சொன்னது நீ (மட்டும்) இருக்கும் போது...